طرف دوڑا۔ وہاں باقی دوست نامی مخلوق چائے پینے والی تھی، اور یہ پیچھے نہیں رہ سکتا تھا۔ تبھی وقت پر دھاوا بول چکا تھا۔ لاؤنج کا ماحول بہت خوبصورت تھا۔ صفائی کی حالت ان سب کی موجودگی کے باعث ابتر تھی، مگر اسے نظر انداز کیا جا سکتا تھا۔ وہ چھ نوجوان ہنسی مذاق کے ساتھ چائے کے مزے لے رہے تھے، اور ان سب میں سمویا تھا ایک عظیم مقصد۔ سب کے موبائلز میں مخصوص رنگ ٹون بیک وقت بجی۔ سبھی کے ہاتھ اپنے موبائلز کی طرف بڑھے، اور اسکرینز پر نظر پڑتے ہی وہ سب نوجوان بیرونی دروازے کی طرف لپکے۔ پیچھے کا منظر دیکھیں تو سنسان پڑے لاؤنج میں ایک کپ میز سے نیچے گرا، اپنے اندر کی چائے قالین کے حوالے کر چکا تھا۔ باقی کوئی آدھا کپ چائے اور کوئی خالی کپ تھا، سوائے ایک کے… وہ ایک کپ ابھی تک ان چھوا پڑا تھا۔ یہ بات ہڑبڑی میں بھی زرقان نے بخوبی نوٹ کی تھی۔ کوئی نہیں جانتا تھا کہ دوبارہ وہ سب دوست مل کر بیٹھ سکیں گے یا نہیں، ان میں سے کون واپس آ سکے گا اور کون نہیں؟ ان سوالات کے جواب سوچتی وہاں کی ہر چیز اداس معلوم ہوتی تھی۔ رات آہستہ آہستہ اپنے پر پھیلا رہی تھی، اداس، بکھرا، چائے اور اسنیکس کی خوشبو میں ڈوبا لاؤنج اب مکمل تاریک ہو چکا تھا۔ جب اپارٹمنٹ کے بیرونی دروازے کے کھلنے کی آواز آئی، ہلکی چاپ سے کوئی چھوٹے چھوٹے قدم اٹھاتا لاؤنج میں داخل ہوا۔ مکمل اندھیرے کے باعث نووارد کی پہچان نہیں ہو سکی، لیکن اندازہ لگایا جا سکتا تھا کہ وہ ہیولا ایک لڑکی کا تھا، بیس سے پچیس تک کی ایک نڈر لڑکی۔ ــــــــــــــــــــــــــــــــــــــــــــــــــــــــــــــــ وادئ سُرخاب کی صبحیں باقی شہروں جیسی نہیں ہوتیں۔ وہاں رات کا اندھیرا بلند و بانگ نعروں کی گونج سے